हे कार्तिकेयानुजा, मूषकवाहना तुला नमन करतांना माझ्या अस्तित्वाच्या प्रत्येक कणांत जागृतीच्या लाटा उसळतात.
भाळी चंद्रकोर धारण केलेलं तुझं नयनमनोहारी रुप बघतांना जी शीतलता मनांतळी जाणवते तीच माझ्या अस्तित्वाचा गाभा व्हावी. हेच तुला सुचवायचं आहे ना?
विकारगणांवर अधिपत्य गाजविण्यासाठी ही चंद्रासम शीतळता बाणवावी लागते हे किती चतुराईनं सांगितलंस तू मला!
हे स्वसंवेद्या, माझ्या विचारांत, माझ्या शब्दांत, माझ्या प्रत्येक कृतीत, माझ्या दृष्टीच्या ठायी ही तुझा नित्य वास असेल तर ही परमसुखदायी शीतळता तेथे आपसूकच येईल.
खरंय ना?
श्रीकुल
भाद्रपद शु. द्वादशी शके १९४२
30/8/2020
चंद्र आणि शीतलता किती अविभाज्य घटक
ReplyDeleteभालचंद्र 🙏🙏