विराणी

या उदास संध्येवरती तुझी निशाणी होती
रसभरल्या ओठांवरती नवी विराणी होती

सोडुनी बोट मायेचे तू नवी वाट ही घेता
रेंगाळत उंबर्‍यापाशी कानोसा घेउन येशी
क्षितिजावर गात्रांच्याही नवी कहाणी होती

अंधारमध्य साधावा बाहुंच्या विळख्याआत
मग भान उरावे कसले अशी रम्य रात
एकांत विरावा ईतकी रात्र शहाणी होती

कालचाच चंद्र कसा हवाहवासा होता
भरुन मन वाहिले तरीहि प्रश्र्न एक होता
चंद्रकोर भाळीची का अधिक देखणी होती

या उदास संध्येवरती तुझी निशाणी होती
रसभरल्या ओठांवरती नवी विराणी होती

श्रीकुल
1३/10/2019